اعترااااااااااااااااااااافااااااااااااات .. اوعى وشك

بدل الملل والنيمية بين المحاضرات قررت انا وصحباتى

اننا نتعرف على بعض اكتر

بصورة لذيذة جدا

كل يوم مقرر على واحدة فينا تيجب

مجموعة كبيرة من الاسئلة مكتوبة فى ورق صغير

مقفول ونرمى وكل واحدة تختار ورقة

بالدور

الاسئلة منها اللى مجنونة ومنها اللى محرجة

حاجات نتعرف بيها على

شخصيات بعض وعلى طباع بعض

واحيانا اسرار بعض

نعرف بيها كل واحدة شكلها ايه فى

عين صحبتها

اللعبة بجد كانت الذ مما تخيلنا لدرجة ان كل الدفعة بقت تبص بفضول

بيعملوا ايه العيال دول

وكمان لأن ضحكنا كان جايب لأخر الدنيا

المصيبة بقى ان

امة الله اللى قدامكم دى وقعت فى شر اعمالها

يوم ماكنت المفروض اعمل الاسئلة

سلختهم

جبت اسئلة محرجة جدا بقوا بيدعوا عليا

واكن باب السما كان

مفتوووووووووووووووووح

جالى اغلس سؤال واكتر سؤال محرج

(( شخص شفتيه مرة
واحدة فى حياتك اتمنيتى يكون جوزك ؟؟ وليه ))

انا قلت زنقونا يا مرزووووووووق ،

وحبيت اتذاكى وافلسع بفزلكة

رحت قلتلهم اى واحد لابس بدلة

هوب خلصت الكلمة

ودخل ارخم واغلس ولد فى الدفعة

ولااااااااااااااااااااااااااااااااااابس بدلة ):
):

انا اتصدمت والعيال فتحوا فى الضحك (( خلينا الراجل فى نص هدومه
ههههههههههههههههه ))

والاندال قاموا يبوسونى ويقولولى الف

مبرووووووووووووووووووووك ياساااااااااارة

زين ما اخترتى

هههههههههههههههههههههه

لحد دلوقتى مش عارفة اضحك ولا اعيط على الموقف اللى

حصل

المهم جمعت فى بالى اغلس واكتر اسئلة محرجة واجابتها وكمان اسئلة

شقية

1 - قولى 3 عيوب فى سارة و 3 مميزات ؟؟

- دعاء (( مش دودو بسكوتة )) جاوبت
وقالت

العيوب : انى مش بتحكم فى انفعالاتى ، انى احيانا ببقى رغاية وهى بتبقى

مصدعة ههههههههههههههه ، انى هبلة وبصدق اى حاجة

المميزات : انى جريئة ،

بحب لغيرى اكتر من اللى بحبه لنفسى ،

والتالتة نسيتها والله ..

2 - طقم عند كل واحدة

فينا نفسك تلبسيه هههههههههههههههههه

انا قلت اسأل كده علشان ابخر الطقم اللى

يقولوا عليه هههههههههههههههههههههه

وكنت قاعدة طول اللعبة مرعوووووووووبة لحسن

السؤال دا يجي ههههههههههههههههه ..

مش هقول اجابته منعا للاحراج وهو ماجاليش

عموما

3 - لما بتفتكرى كل واحدة فينا صورة ايه اللى بتيجى فى بالك ؟؟

- دعاء
بردو بتاعة العيوب والمميزات جالها السؤال دا وقالت انها لما بتفتكرنى بتيجى فى
بالها صورة قطة فى شارعهم هههههههههههههههههههههههههه طول عمرها ندلة البت دى
هههههههههههههههههههههههههههه

4 - احب مكان ليكى فى البيت ايه ؟؟

- سمسمة
جاوبت السؤال دا وفطستنا كلنا من الضحك لانها قالت (( ال W C ))
ههههههههههههههههههههه لحد دلوقتى مش عارفة ليه

5 - حبيتى كام مرة ( 1 / 2 )
اوعى تقولى ولا مرة

يويو ياعينى وقعت فى السؤال دا

هههههههههههههههههههههههه

6 - تعملى ايه لو حبيتى حد وقولتى لاعز صديقة ليكى

وبعد كده امتشفتى انه بيحبها وحاسة انه عاجبها هى كمان ؟؟

- كل البنانيت

الرقيقاااااااااااااااااااااااات قالواا

هقتله واقتلها

هههههههههههههههههههههههههههه

بس بعد كده دودو بسكوتة قالت هتمناله الخير

7 - هتغيرى لو حسيتى ان ولادك بيحبوا جوزك اكتر منك ؟؟

- كان من نصيبىىىىىىىىىى

السؤال دا وقلت احتمال كبيييييييييييير اغير

8 - بتقاوحى فى الغلط ؟؟

- بردو كان من نصيبى وقلت اااااااااااه

كدبتى فى كام سؤال لحد دلوقتى ؟؟

- كل ما يطلع لواحدة ترميه تااااااااااااانى ههههههههههههههههههههههههههههه احنا ناس اصحاب
مبادئ
هههههههههههههههههه

9 -ايه الحاجة اللى نفسك تعرفيها عن كل واحدة فينا
؟؟

- جه السؤال دا ليويو واول ما جالها عينها لمعت وبصيتلى وقالتلى نفسى اعرف

ليه اختك بتفتح على اصحابك ؟؟ ههههههههههههههههههههه

بجد بجد على قد ما اللعبة
دى اتخيلناها مجرد لعبة
لكن قربتنا اووووووووووى اووووووووووووى من بعض
عرفت
بعض اوى اوى وحبينا بعض جدا
لدرجة اننا خايفين بجد من الحسد

فاتن وريكس

فاتن مهوسه بتربيه القطط والكلاب

فى يوم من الأيام

مر كلب جربان من قدام بيت فاتن

جابه حظه العسر لحد عندها

بصيت ناحيته

وقالت فى نفسها

هو دا اللى بدور عليه

وطبعاً بما إن فاتن بت نظيفه

فكان من الطبيعى إنها تحمى الكلب الجربان

وخدته على الحمام عدل

وقعدت تغسل فيه من فوق لتحت

بالميه والصابون

والشامبو كمان بتاع أختها نسمه

الكلب ياعينى كان بيفرفر تحت إيديها

وهى برضه مستمره فى عمليه الغسيل

كأنها بتغسل عربيه

وبكدا إنتهت المهمه الأولى

باقى إنها تسميه إسم

علشان يبقى كلب إبن ذوات

قالت هسميه ريكس

وعاش السيد ريكس فى البيت

أكل شارب نايم

واخد حقه تالت ومتلت

زيه زى أى فرد البيت

وطبعاً لأن فاتن ربنا مديها الصحه

والكل بيخاف منها

فريكس كان له الأولويه فى كل حاجه

وإعتبرته فاتن أهم من نسمه وإبراهيم

اللى هما إخواتها

وكان يشاطر فاتن الهوس والجنان

أخوها القذافى

ومــــــــــــــــــــــــــــــــــــــازال

لدرجه إنهم ممكن يسيبوا أكلهم لريكس

لو حسوا إنه لسه مشبعش

وغير كده كانوا بيهتموا بنفسيه ريكس

وعلشان كده كان لازم ريكس يتفسح كل يوم فى البلد

وفى ليله من ذات الليالى الصيفيه

الجميله والمنعشه

حصل الأتى:

أوصف لكم بس المشهد

عربيه إيهاب داخله الشارع

صوت فرامل جاااااااااامده

فاتن بتصرخ صراخات متواليه

فى ثوانى الناس إتجمعت

وإتلمت على صوت صراخ فاتن

ناس فاكرها حادثه

راحت ضحيتها فاتن أو حد من الشارع

والحريم بأه جايه تصرخ من بعيد

على إعتبار ما سيكون

وأنا بأه ملحقتش أطلع بره

بصيت من الشباك

اللى بيطل على موقع الأحداث

شفت إيه؟؟؟؟؟؟؟؟؟؟؟؟؟

شفت فاتن مرميه على الأرض

بتهز فى ريكس

وبتقوله رد عليا وبتصرخ

والقذافى دموعه على خده ياعين أمه

ومش قادر قادر يتكلم

أما بأه عن رأى الناس

فى اللى حصل دا

ففيه ناس

لعنت فاتن وتربيه فاتن

وباقى الناس والأغلبيه العظمى

كانت واقفه تتفرج

ومش ماسكه نفسها من الضحك

وأنا طبعاً كنت منهم

ناس تقولها

البركه فيكى وفى أخواتك ربنا يخليهم يافاتن

وناس تقولها العمر الطويل ليكى

وناس قالت لها هنجيب لكى كلب غيره بكره

بس بطلى عياط

وفاتن على صرخه واحده

ييييييييييكس ماااااااااااااااااات

أصلها كانت لدغه فى حرف الراء

والناس تقولها كل ده علشان كلب

يابنتى إرحمى نفسك

ترشقهم فاتن بنظره من اللى تخوف

بس متقولوش كلب

ياحبيبى ياريكس

والله ياجماعه كأننا كنا فى مسلسل عربى

مات فيه البطل

والبطله كانت فاتن

وعلى فجأه بصيت ناحيه إيهاب السواق

وقالتله إنت السبب

إنت السبب

والله لوريك

أنا بأه هقتلك إبنك

كان ناقص شويه

وتقوله إنت اللى قتلت بابايا أه يابابايا

إيهاب السواق

ركب عربيته وكمل طريقه وكأن شيئاً لم يحدث

بصراحه أنا حسيت إن موت ريكس كان فيه غموض

أصل ريكس من النوع اللى بيخاف على نفسه

يبقى إزاى يقف قدام عربيه

وفى الأخر

تقريباً عرفت السبب

يبدو إن ريكس إتلكك علشان يخلص من فاتن

قال الموت أريح لى

أصل ريكس كان برغم العز والهنا

اللى كان عايش فيه

إلا إنه كان بيعانى من فاتن

لأنها كانت لازم تحميه كل يوم

لحد ما الكلب باش

ويمكن يكون دا

السبب الرئيسى لإنتحار ريكس

المهم المولد إنفض

وبقيت فاتن والقذافى وجثه ريكس

فاتن:تفتكر ياقذوفا هنعمل إيه بالجثه؟

القذافى: مش عارف

ألقذافى : تيجى نحفر حفره كبيره وندفنه فيها

فاتن : ويهون عليك ياقذافى

القذافى : أمال هنعمل إيه ياتونه؟

فاتن : أنا عرفت

بما إن ريكس كلب نظيف وبيحب النظافه

والميه بالتحديد

فأنا قررت إننا نرميه فى الترعه

وقد كان

وداعـــــــــــــــــــــــــــــــــــــــاً ياريكس

لا إرتحت منها حى ولا ميت

جاى منييييييييييييييييييييييييييييييييييين

بصوا ياجماعه بالرغم ان اوحش لحظات لحظات المذاكره

الا إنها عندى كانت بتكون أجمل لحظات

عارفين ليه ؟؟

عشان كلنا كنا بنكون متجمعين على كل حاجه

( سهر مع بعض ـ نوم مع بعض ـ صحيان من النوم مع بعض ـ أكل مع بعض )

كلنا كنا بنتجمع فى بيت واحده ونسميه بيت البنات أو بيت المذاكره

كلنا ميييييييييييييييييييييييييييييين ؟ ؟

( سلوى ـ منى ـ نسمه ـ رضا ـ فاتن ـ دعاء )

بس اليوم ده بقى من أغرب الأيام اللى عشناها فى مذاكرتنا

قاعدين نذاكر فى أمان الله الساعه واحده بالليل تقريباً

كل واحده عينيها فى كتابها وودنها طبعاً مع اللى جنبها

وبعدين خير اللهم اجعله خير

لقينا سطو مسلح علينا.... بس بالطوب

كأننا جنود اسرائيل واللى بره فلسطينى غلبان ظلمناه ياولداه

وشغال حدف طوب علينا ( على البيت يعنى )

المهم ان كل واحده فينا

لبدت فى جلدها

والجبن سيد الأخلاق طبعاً ذى ما أنتم عارفين

اللى نزلت تحت التربيظه

واللى نامت تحت الكرسى

واللى إنبطحت أرضاً وكأن بجد القنبله حتتحدف عليها

المهم قلنا هووووووووووووس

الطوب جاى منيييييييييييييييييييييييييييييييييين ؟؟

وقررنا نتشجع ونطلع كلنا فوق السطح ونشوف مين اللى بيحدف الطوب

وطلعنا ومالاقيناش غير عماد

هو صحيح بيرزل علينا كتيييييييييييييييييييييييييييير

بس ده راجل عنده امتحانات وفاتح شباكه

بيتفرج علينا.... قصدى بيذاكر

بس عماد فى الأوضه بتاعته هيجيب الطوب منيييييييييييييييين ؟؟

معونه فلسطينيه مثلاً ؟!!

المهم الأفكار الغبيه اشتغلت ومن ضمنها رضا بتسأل نسمه

الطوب جاى منييييييييييييييين ؟؟

فقالت : من فوق وشاورت للسقف

وأصلاً نسمه كانت ساعتها شبه الفار والحق يتقال كلنا كنا فيران

بس الطوب لسه شغال حدف وعماد قدمنا ماسك كتابه

يبقى منيييييييييييييييييييين ؟؟

قلنا طيفه ( تدليع عبد اللطيف ) ده برضه جارنا

بس طيفه أخره يبص فى الأرض ووشه يحمر

ده يعمل الحركه دى ازاااااااااااااااااااااااى ؟؟

المهم اضطرينا لتصعيد الأمر للناس الكبيره

وصحينا عمى ذكى ( والد الأستاذه منى ورضا )

فقام وقعد يزعق والناس كلها صحت من النوم

وبعدين فى الأخر خالص عرفنا الطوب جاى منين

عارفه انكم هتموتو عشان تعرفوا

مكنش فى حد صاحى واحنا بنذاكر غير عماد والطابونه وطيفه

وصاحب الطابونه عشان يبرأ نفسه قال لعمى ذكى

تعالى اطلع فوق وشوف بنفسك

طلع عمى ذكى لقى اييييييييييييييييييييييييييييييه ؟

لقى واحد من اللى شغالين فى الطابونه (جارنا هو كمان ) قاعد ومعاه كوم طوب متكسر

كان شكله وحش

بس الراجل طبعاً نيته كانت خير

مش النبى وصى على سابع جار

واحنا صعبنا عليه واحنا حارقين دمنا فى المذاكره

فقال أخفف عنهم

أوعوا تفهموا الراجل صح

انا مدمنة ، واتفضحت يا بنااااااااااااااااااااات

كل اصحابى فى الكلية عارفين انى بعشق الكمبيوتر اكتر من نفسى ..

اروح الكلية زهقانة يقولولى ايه دا يا سارة هو النت فاصل ولا ايه ؟!!

اروح مش نايمة يقولولى انتى شكلك كده كنتى سهرانة على النت ..

اتفضحت اخر فضحنة

المصيبة بقى كانت فى محاضرة الكمبيوتر

والدكتور كان ماشى حلو وتمام

لحد ماقاااااااااااااااااااااال

على مدمنى الكمبيوتر (( اللى هما زى حالاتى ))

انهم بيبقوا بعد شوية معوقين

قام المدرج كله فتح فى الضحك

وشوية شوية والاقى كل واحدة تفوق من الضحك وتدير تبصلى وتسخسخ تاااااااااااااااااااانى

وبعد المحاضرة كلهم يقولولى عارفة يا سارة اول ما الدكتر قال مش عارف ايه

افتكرتك على طول

اكنه كان بيوصفك

واخر نكتة طلعت عليا

ان جوزى لما يعوز يكلمنى هيدخلى على الماسنجر ):

شط إسكندريه

منساش أبداً يوم رحلتنا للإسكندريه

أنا وصحابى

وخصوصاً لما إتفقنا نلعب كوره على الشاطئ

وبما إنى مش بفهم فى الكوره

فقد قمت بإستبعاد نفسى أوتوماتيكياً

من المشاركه فى اللعب منعاً للإحراج

وبدال ما أكحهلها عميتها

وقال إيه قمت بدور الحكم والمعلق فى نفس الوقت

وكنت مفكره بصراحه الموضوع سهل

ولا يتعدى إن أقعد على الكرسى

وأمسك الميكرفون

أقصد حاجه تشبه الميكرفون

وأقول الكوره مع سلوى

ومنها لبسمه

وجوووووووووووون

كنت مفكره الموضوع كده وبس

لحد ما الفريقين وقعوا مع بعض

فريق شايف إنه جاب جون

والفريق المنافس المفترى شايف إنها جات فى العرضه

وطبعاً ظهر دورى كحكم

وبجد حسيت عندها بنفسى وبدورى المهم اللى إخترته فى اللعبه

بدون قصد

أجى بقى لحل المشكله

الكوره جات جون

ولا فى العرضه

عرضه!!!

هى فين صحيح العرضه دى

اللى بيقولوا الكوره جات فيها

أصلاً الجون محددينه بكومين رمل مش أكتر

يعنى وجود العرضه شئ وهمى

وطبعاً لإننا مش ملتزمين بوقت

فالموضوع طول

وقلتلهم سيبونى أفكر

وفتره التفكير عندى كانت بصراحه

مليانه بالإغراءات

فريق يبعتلى مندوب ويقولى هنسقيكى حاجه ساقعه على حسابنا

وفريق يقولى طلباتك أوامر

وطبعاً لأنى صاحبه مبادئ

لايمكن أغيره مبادئ

وفى وسط خناقه الفريقين ودوشتهم

قررت إن الكوره جات فى العرضه

وكملت التعليق على الماتش

وأنا بمزمز ميراندا

وأكيد إنتوا فهمتوا جات منين

وعقبال المصيف الجاى

افتتاح احتمال ما يكونش افتتاح

ممكن يكون دا اول بوست فى المدونة دى وممكن يكون تانى واحد

انا ودودو بنكتب فى لحظة واحدة ، ودى كمان تعتبر من اوقاتنا الحلوة ..

دلوقتى كل واحدة فينا بتكتب تصورها عن اوقتنا الحلوة .. اللى عشناها واللى هندونها

وبحاول اخترق عقل دودو ومتخيلة انها هتسجل انطباعها عن كل واحدة من البنوتات العسولات اللى هيدونوا فى المدونة دى

ممكن اكون فشلت فى اختراق عقل دودو لأنها دايما بتفاجئنى بحاجات مبتكرة وعبقرية

بس انا عن نفسى هكتب انطباعى عن البنوتات السكرات اللى فى المدونة دى

هرتبهم حسب السن واتكلم عن كبيرتنا العسوووووولة

منمن ( موجودة انا ) : بصراحة البنوتة دى ما شوفتهاش ابداً ولا حتى سمعت صوتها لكن حبيتها جدا

عجبتنى دماغها جدا ، وعقلها وافكارها الجميلة .. كمان خفة دمها ..

وبصراحة بحس فيها شبه كبير اوى باختى .. نفس الاسم والكلية لدرجة انى ساعات بشك فيها

ههههههههههههههه

لولا ان دودو شافتها وعارفاها كنت قولت اختى وبتشتغلنى

هههههههههههههههه

تانى بنوتة عسولة هى سارورة ( بنوتة لاسعة ) والحقيقة ماعرفهاش كويس بس يشرفنى اعرفها

هههههههههههههههههههههههه

تالت واحدة هى العسولة دودو ( كلمتى ) : دى بصراحة النيك نيم بتاعها عندى ( بسكوتة ) ..

بنوتة زى البسكوت من الناس اللى تحس انها ممكن تنكسر فى ايدك ..

اخلاق جدا وذوق جدا وزى السكر ..

الحقيقة انى معرفتى الحقيقية بيها كانت لما اتبادلنا الايميلات رغم انى اعرفها من سنة فى الكلية ..

بس طبعا ماكناش بنلاقى فرصة نعرف بعض فيها كويس ..

كمان دماغها بتعجبنى جدا .. دماغ واحدة شايلة هم المجتمع دا بجد ..

وان شاء الله هتبقى صحفية جامدة جدا لأن افكارها متميزة ..

رابع بنوتة عثولة ( دودو بردو ) بس صاحبة مدونة ( حياة شكل تانى ) وهى بجد بنوتة شكل تانى ،

بعتبرها صديقة عمرى رغم ان صداقتنا عمرها سنتين ..

رفيقة الكفاح فى الكلية وايام البحث المضنى عن جرنال يقبل نتدرب فيه ..

ياااااااااااااما اتمشينا فى شوارع طنطا لحد ما الناس حفظتنا .. بجد البنوتة دى زى الملايكة ..

بردو اخلاق وذوق ورقة ودماغ جامدة اوى ... دايما بحسها بتقرا افكارى ، ودايما بتشجعنى انفذ افكارى المجنونة ..

بث خلاص .. هما دول البنانيت اللى عشت معاهم اجمل لحظات حياتى فى السنين اللى فاتت دى ..

وبجد بجد بدعى ربنا الف مليون مرة يديم حبنا فى الله ..