منساش أبداً يوم رحلتنا للإسكندريه
أنا وصحابى
وخصوصاً لما إتفقنا نلعب كوره على الشاطئ
وبما إنى مش بفهم فى الكوره
فقد قمت بإستبعاد نفسى أوتوماتيكياً
من المشاركه فى اللعب منعاً للإحراج
وبدال ما أكحهلها عميتها
وقال إيه قمت بدور الحكم والمعلق فى نفس الوقت
وكنت مفكره بصراحه الموضوع سهل
ولا يتعدى إن أقعد على الكرسى
وأمسك الميكرفون
أقصد حاجه تشبه الميكرفون
وأقول الكوره مع سلوى
ومنها لبسمه
وجوووووووووووون
كنت مفكره الموضوع كده وبس
لحد ما الفريقين وقعوا مع بعض
فريق شايف إنه جاب جون
والفريق المنافس المفترى شايف إنها جات فى العرضه
وطبعاً ظهر دورى كحكم
وبجد حسيت عندها بنفسى وبدورى المهم اللى إخترته فى اللعبه
بدون قصد
أجى بقى لحل المشكله
الكوره جات جون
ولا فى العرضه
عرضه!!!
هى فين صحيح العرضه دى
اللى بيقولوا الكوره جات فيها
أصلاً الجون محددينه بكومين رمل مش أكتر
يعنى وجود العرضه شئ وهمى
وطبعاً لإننا مش ملتزمين بوقت
فالموضوع طول
وقلتلهم سيبونى أفكر
وفتره التفكير عندى كانت بصراحه
مليانه بالإغراءات
فريق يبعتلى مندوب ويقولى هنسقيكى حاجه ساقعه على حسابنا
وفريق يقولى طلباتك أوامر
وطبعاً لأنى صاحبه مبادئ
لايمكن أغيره مبادئ
وفى وسط خناقه الفريقين ودوشتهم
قررت إن الكوره جات فى العرضه
وكملت التعليق على الماتش
وأنا بمزمز ميراندا
وأكيد إنتوا فهمتوا جات منين
وعقبال المصيف الجاى
هناك 8 تعليقات:
هههههههههههههههههههههههههههههههههههههههههههههههههههههههههههه والله انتى بجد عسل يا منمن هههههههههههههههههه
ونعم المبادئ ايه العظمة دى هههههههههههههههههههه
ههههههههههههههههههههههههههههههههههه
فكرتينى باللذى مضى يامنايا
المصيبه بقى اننا صممت انى العب
مع انى لا فاهمه فى الكوره ولا اعرف اى حاجه عنها
غير اسمها وحسام وابراهيم حسن
المهم ان فى النهايه جربونى ولعبونى وبعدين حلفوا ان دعاء مش لاعبه
اصل دعاء بتدخل اجوان فى فريقها
شوفتوا الهطل
على الاقل انت طلعتى بميراندا
مش كنت قولتيلى كنت قعدت جنبك ياسوسه
ساروره
انا اقبل رشوه لايمكن
دى مبادئ يابنتى
بس الحاجه الساقعه
كان طعمها
جميل
كلمتى
فاكره يادودو اليوم ده
من احلى أيام عمرى
كل حاجه فيه
من اول الميكروباص الصبح
والدوشه اللى كنا عملينها على طول الطريق
ولحد ما ركبنا الميكروباص بالليل
وتمتعنا بأداء القذافى لدور القرد
وإحنا مروحين
يارب يادودو
نعملها السنه دى
ونتجمع كلنا ولو انى مش عندى
امل ان احنا نتجمع من تانى
بس يمكن
ربنا يكرم فى سنه غير السنه دى
ههههههههههههههة والله عسولة اوى تيجو اسكندرية تنوروها وتنورى اى شط تيجو فية بس بجد الظلم حراااااااااااااااااااام الكورة كانت جون ولا عرضة ؟ عموما نورتو اسكندرية وهنتستناكو فى المصيف ان شاء الله تحياتى ليكى ( اسير الجراح)
هههههههههههههههههه
بالهنا والشفا ياستى
ياصاحبة المبادئ
;)
أسير الجراح
خلاص أنا بنت لازقه
هعتبر دا وعد منك
إنك تحاسب على الشماسى والكراسى
وكمان الحاجه الساقعه
ماشى ياعم
داليا محمد
دا كان طعمها حلو بشكل
الجو حر
البحر قدامى
والميراندا فى إيدى
وعايزانى أقول الكوره جات جووون
طبعاً فى العرضه يابنتى
سلاااااااااااام
إرسال تعليق