السبت، 28 فبراير 2009

سيكولوجيا التعامل مع البتوع










فى قعده روقان ومزاج عالى ناتج عن حرق دم وغليان كمان فى العروق





وصلنا لحاله من هيستريا الضحك أنا ودودو





وللأسف كنا فى مكان لا يليق بنا إننا نضحك فيه بأى حال من الأحوال





وعلشان كده كنا بنضحك فى سرنا


سيكولوجيا التعامل مع البتوع





هو ده العنوان اللى إخترعته دعاء للكتاب اللى ناويين نألفه


يعنى إيه سيكولوجيا يابت يادودو يا بتاعه كليه الأداب





معرفش بس أهى كلمه كبيره وخلاص





طيب خلاص سيكولوجيا سيكولوجيا وماله وبرضه يابنتى ميضرش


أما عن كلمه البتوع دى





فدى رمز للشباب والجنس الوحش عموماً





_على إعتبار إننا إحنا البنات الجنس الحلو_





وإشمعنا كلمه البتوع يعنى





أقولكم ليه؟؟؟؟؟؟؟


كانت دعاء بتقترح إننا نسمى الكتاب سيكولوجيا التعامل مع هؤلاء





ولكنى إعترضت بشده





إزاااااااى يعنى "هؤلاء"




هؤلاء دى إسم أشاره على ما أتذكر لشئ موجود قصادى


وهم أصلاً ميقدروش يبقوا قصدنا ولا فى بالنا أصلاً


كلمه منى على كلمه من دعاء




رجع كرهنا وحقدنا تجاه الجنس الأخر يظهر تدريجياً




_ قال يعنى ده كله مكنش ظاهر_




ورجعنا تانى نفكر فى شقه اللى فهموها صح


ودى شقه كنا قررنا نعملها أنا ودودو




ونلم فيها البنات الجدعه اللى بتفهم اللى مش هتتجوز




وقصدها كنا هنعمل شقه تانيه



ونسميها اللى فهموها متأخر ودول بقى المطلقات


وبعدين خدنا الكلام لحد ولادنا لو حصل وإتجوزنا يعنى


وبقينا من اللى من اللى مفهموهاش خالص




ياترى هنربى ولادنا دوووووول إزاى؟




ههههههههههههههه


يارب أخلف ولادى كلهم ولاد




علشان أعلمهم الأدب وأربيهم




بصت ليا دعاء بقرف




وقالتلى أنا لو حصل و إتجوزت


وخلفت ولد هقتله




قلتلها يارب يادعاء الرجاله كلها تنقرض من على سطح كوكب الأرض




بلاش وجع دماغ


ياسلااااااام كده لو أصحى من النوم يابت يادودو



ألقى فى نشره الأخبار إنقراض الجنس الأخر




وقتها هبقى أسعد واحده فى الدنيا


نفس الكلام




ناقشته مع رباب




رباب دى تبقى معرفه طايرى من على الفيس بوك




والمناقشه دى كانت على الموبيل




ومكالمه دوليه كمان




الموضوع أصله يستاهل بجد




وفى أخر حورنا قلتلها يارب يارباب الرجاله كلها يحصلها إنقراض مفاجئ




وكانت هى مضايقه جداً منهم




ودا اللى كان مشجعنى إنى أقولها كده




لأنى لو قلت الكلام ده لأى بنوته حلوه




هتقولى إلهى تنقرضى إنتى وأهلك




المهم بقى الست رباب كان لها وجهه نظر تانيه




قالت حرام عليكى يابنتى ينقرضوا إيه بس





بصيت بإستغراب




وطبعاً هى مشفتش البصه دى علشان إحنا بنتكلم فى التيلفون




قالت أمال لما هم ينقرضوا




إحنا هنضايق فى مين ؟




ونرفز مين؟




ونخلى مين يشد فى شعره؟




وجهه نظر جديده تؤخذ فى الإعتبار




وماله برضه ياختى




هو أصلاً اليوم كان باين من أووووووووله





:)

هناك 13 تعليقًا:

mnoon يقول...

هههههههههههههههههههه

أول تعليق

الكلام ده كان قبل ما أتجوز

وقبل ما أتخطب حتى

دلوقت ممكن أدور على بنوته حلوه

تانيه غير دعاء تشاركينى كتاب

سيكولوجيا التعامل مع الحبايب

هههههههههههههه

معليش يادودو

دورى على حد يألف معاكى كتاب البتوع

:)

سارة درويش يقول...

ههههههههههههههههههه انا انا يا منمن عايزة اتجوز بصراحة علشان الاقى حد اطلع عينه ع نطاق واسع شوية ههههههههههههه وحشتي بيتك ومدونتك

دعاء العطار يقول...

هههههههههههههههههه

فكرتينى بالذى مضى يامنوووون

بس اخصن والف اخصن على كده يامنمن

تتخلى عنى عند اول جوووووازه يامنى ؟

عامة ماتخافيش لسه فيه ناس هتكمل المسيره

هههههههههههههههه

♥نبع الغرام♥♪≈ يقول...

السلام عليكم
ايه الدماغ الجامد ده
يسلم قلمك
ههههههههههههههه
بجد كلام جميل وأؤيدكم الرأى
هههههههههه
تحياتى

gogo!sf يقول...

منون ازيك يا قمر

بجد اجمل حاجه فى الدنيا البتوع

ومش ينفع الجنس الاخر الجميل ده ينقرض !!!!!!

ايه يا بنتى الكتاب ده انتى عيزانا نطخ بالنار ولا ايه

ده حتى الرجال قومون على النساء

ملحوظه:

ابقى ابعتيلى دعوة للانضمام فى شقه المطلقات.....هههههههههه

ما انا عيزة اقول رأيى بس اكيد انتى فهمه

وسلامى لدودو .... بكرة تقعد جنبنا

==================

ميرسى على زيارتك الجميله
ودى اول زياره ليا وان شاء الله مش هتكون الاخيرة

عاشقه الاحزان

Tamer Moghazy يقول...

انا قاعد اضحك على العنوان جداااا وخاصة كلمة (البتوع)

Tamer Moghazy يقول...

كل سنة وانت طيبة

مامة مازن يقول...

المدهش فى الموضوع صورة القطار ده ده انتوا لمتوهم وهتولعوا فيهم واللا ايه
او السكه الحديد مقطوعة واخر شلال نياجرا مثلا هههههههههههه

donya يقول...

مساء الخير
ههههههههههههه
هموت من الضحك

صحيح لما ينقرضوا مين اللي هيوجع قلبنا
ويقرفنا في عيشتنا

هههههههههههه
وعلي صعيد اخر غير الصعيد الجواني

احنا هنقرف في مين ونطلع عين مين
اهم برضوا بيسلونا يااختتتتتتتي

تحياتي

الأرمـوطــي يقول...

الله الله الله ليه الغلط ده احنا بالصلاه على النبى حلوين اوى مع بعض لكن ساعة الغلط ......وبعدين انتى هتخلينى اغير فكرى عن الجنس الناعم ولا ايه دول حبيبى والامل الى عايش علية صدقينى برضة فى رجاله حلوين ارجعى عن الى فى جماغك يا صبية الى بيخاف من العفريت يطلعله بس ان شاء الله ربنا يرزقك بواحد يغير فكرتك الى مش عارف جبتيها منين عن تجربة شخصية ولا عن تجربة حد قريب منك عموما فى ناس مروا بتجارب اصعب منك مية مرة بس برضة لسة عندهم امل اسالينى انا
سلام يا جميل

Unknown يقول...

ربنا يديم صداقتكم انتوا التلاتة أو أيا كان عددكم...
تحياتي لكم و لمدونتكم اللي امتعتني بجد جدا...

The illusionist يقول...

هو انا بصراحه لقيت كام رد اثبتولى ان الجزر مش لازم يقول بابا وماما عشان انا اتشل

واجمل رد بحبه لما حد يسيب لنك مدونه

بيبقى بليغ جدا

نيجى بقى للكلام اللى طعا لازم يترد عليه

يا رجال العالم اتحدوا وبتاع

وجهه نظر الفيس بوكيه الاخيره صح

وانتى عارفه ان جنس الرجاله كلو بيتمنى نفس الفكره

ياه

مفيش مسئولياات

مش هيلاقوا حد يعاكسوه فيتلموا ويحترموا نفسهم

مش هيبقى فى توقيف شعر وتسقيط بناطيل ليتحول الشاب من شاب الى بتاع حسب الاشاره

بس هتجيبوا ولاد مين انتوا بقى

كل واحده تقولك نفسى ابقى ام واللى يقولك نفسى ابقى اب

اشتروا بقى دميه باربى وسرحولها زى العيال الصغيره

هههههههههههههههههه

مممممممممممممممممممممممممم

بس فكره سيديده

انا مش عاوز الستات تنقرض لسبب واحد بس

بيعرفوا يعيطوا ويثبتوا الرجاله

هههههههههههههههه

مش هلاقى الموهبه دى عند اى حد

المصوراتي يقول...

اتمني ان تقبل مروري الاول بمدونتك
و يشرفني ايضا ان تزور مدونتي المتواضعه ( عيوني كاميرا )


البتوع دوول كويسين اوي

تحياتي